Op Stilbaai woon twee groepe mense: Dié wat hier gebore is en dié wat die dorp “ontdek” het tydens ‘n vakansie op Stilbaai.

Talle besoekers het op die dorpie verlief geraak vanweë sy skoonheid en rustigheid.

Die Goukourivier verdeel die dorp in twee. Die brug oor die rivier is gedurende 1955 voltooi, wat die gevolg gehad het dat die dorp ook aan die westekant ontwikkel het.

Die hoofstrand het al verskeie kere Blouvlagstatus ontvang vanweë sy letterlik- en figuurlike skoonheid.

Hier is volop oornagfasiliteite in die vorm van gastehuise en vakansiewoonstelle. Maak egter seker dat u betyds bespreek wanneer u wil besoek aangesien letterlik duisende besoekers veral oor Desembermaand hier geakkommodeer word.